ലണ്ടൻ: എലിസബത്ത് രാജ്ഞി അന്തരിച്ചു; സ്കോട്ട്ലന്റിലെ ബാൽമോറൽ കാസിലിലാണ് അന്ത്യം, 96 വയസായിരുന്നു.
ആരോഗ്യപ്രശ്നങ്ങളുള്ളതിനാല് കഴിഞ്ഞ വർഷം ഒക്ടോബർ മുതൽ ഡോക്ടര്മാരുടെ പരിചരണത്തിലായിരുന്നു രാജ്ഞി. കീരീടാവകാശിയായ ചാൾസ് രാജകുമാരനും ഭാര്യ കാമിലയും രാജ്ഞിയുടെ മകൾ പ്രിൻസസ് ആനിയും ബാൽമോറൽ കാസിലില് രാജ്ഞിക്കൊപ്പം ഉണ്ടായിരുന്നു.
കിരീടധാരണത്തിന്റെ എഴുപതാം വര്ഷത്തിലാണ് രാജ്ഞിയുടെ വിടവാങ്ങല്. 1952 ല് ആണ് എലിസബത്ത് രാജ്ഞി രാജഭരണമേറ്റത്. 1953 ല് ആയിരുന്നു വെസ്റ്റ്മിനിസ്റ്റര് ആബിയില് കിരീടധാരണം.
ഏറ്റവും കൂടുതല് കാലം ബ്രിട്ടന് ഭരിച്ച ഭരണാധികാരിയാണ് എലിസബത്ത് രാജ്ഞി. ലോകത്തെ അതിസമ്പന്നരായ വനിതകളില് ഒരാളായിരുന്നു രാജ്ഞി.1926 ഏപ്രിൽ 21 നാണ് രാജ്ഞിയുടെ ജനനം. ആൽബർട്ട് രാജകുമാരന്റേയും എലിസബത്ത് ബോവ്സിന്റേയും മകളായാണ് ജനനം.
1947ൽ ഫിലിപ്പ് മൗണ്ട്ബാറ്റനുമായി വിവാഹിതയായി. ചാൾസ്, ആൻ, ആൻഡ്രൂ,എഡ്വേർഡ് എന്നിങ്ങനെ നാല് മക്കളാണ് രാജ്ഞിക്കുള്ളത്. 1952 ലാണ് രാജഭരണമേല്ക്കുന്നത്. ഏറ്റവും കൂടുതൽ രാജ്യം ഭരിച്ച ഭരണാധികാരിയാണ് എലിസബത്ത്.
2002 ൽ രാജഭരണത്തിന്റെ സുവർണ ജൂബിലിയാഘോഷിച്ചു. 2012 ൽ ഡയമണ്ട് ജൂബിലിയും ആഘോഷിച്ചു. 2015 ൽ വിക്ടോറിയയുടെ റെക്കോർഡും മറികടന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
